殘酷狠批譚校長

剛才與家人一起看「殘酷一叮」（現在連我尊敬的師父也愛看這節目……噢，不是太極師父 ~），之後有一陣騷動和嘩然。

事緣於譚校長的三宗罪，讓我簡述如下：

一、小妹妹被叮哭了，譚校長用不著那麼千依百順。小朋友應該學習接受失敗，否則日後點可以係殘酷的現實社會生存？況且，這節目叫「殘酷一叮」，好似我娘言：「叮未叮囉，唔好就要叮，要依正規矩嘛！」

二、心口貼上膠紙唱「給愛麗斯」的男人表演時，「噫，好核突」、「有無搞錯呀」、「離晒譜」、「仲唔叮」等不滿之聲在家中此起彼落。譚校長好像政府咁聽不到民怨沸騰之聲，居然俾左八十幾秒，令男人成為勝出者，入到決賽！大家紛紛為跳MJ舞小伙子感到不值。我娘言：「人地真材實料，呢個完全無，而且簡直係猥瑣！」

三、到唔知唱咩、大向評判（其實只限於譚校長）放電的舞蹈女郎出場，「噫，好核突」、「有無搞錯呀」、「離晒譜」、「仲唔叮」等不滿之聲再一次在家中此起彼落。譚校長久久唔叮，最後面有難色的李克勤終於大快我心地叮鬼左佢，譚校長方才如夢初醒：「咦，原來已經八十幾秒」……最後成家人期待譚校長頒個嘉賓獎俾跳MJ舞小伙子，點知佢好以好理所當然咁俾左舞蹈女郎……我娘擰晒頭：「俾個女人電到暈左，之前又俾個小妹妹搞到心慌慌，亂晒龍 ~ 」

無線呀，不如決賽叫我娘去叮呀 ~

哎呀，下星期六決賽，六四喎，睇唔到添 ~